LOK SEWA GUIDE

Loksewa Updates

महत्वपूर्ण सामान्य ज्ञान

गोल्ड ईटीएफ भनेको के हो ?

सुन किनिसकेपछि सम्बन्धि निकाय वा विक्रेताबाट भौतिक रुपमै सुन लिनुको सट्टा किनिएको सुनको मात्रा र गुणस्तर उल्लेख गरेर बनाइएको प्रमाणपत्रमात्र लिएर गरिने कारोबारलाई गोल्ड ईटीएफ (एक्सचेञ्ज ट्रेडिङ फण्ड) भनिन्छ । यो प्रमाणपत्र विभिन्न एक्सचेण्जमार्फत खरीद-विक्री गर्न सकिन्छ  नेपालम गोल्ड ईटीएफको कारोवार एस डेभलपमेण्ट बैंङ्कबाट शुरु भएको हो । यसमा आजको बजार दरमा तपाईले बैङ्कबाट सुन किन्न सक्नुहुन्छ ।उक्त परिणाम र गुणस्तर उल्लेख गरेर बैङ्कले तपाईका नाममा प्रमाणपत्र दिन्छ । सुन बैङ्कमै राखेर तपाई प्रमाणपत्रमात्र लिएर घर जानुहुन्छ । यदि तपाईलाई सुन विक्रि गर्नु परेमा वा सुन नै लिनुपरेमा  वा बैङ्कबाट ऋण लिनुपरेमा पुन: उक्त प्रमाणपत्र लिएर बैङ्कमा जान सक्नुहुन्छ । बैंकले सोही दिनको बजार दरमा तपाईको आवश्यकताअनुसार सुनको मूल्यबराबरको पैसा वा सुन वा सो प्रमाणपत्रलाई धितो मानेर ऋणसमेत यहाँलाई दिएर पठाउँछ । अन्तरराष्ट्रिय बजारमा यस्ता ईटीएफ विभिन्न एक्सचेञ्जमार्फत कारोवार हुने गर्छन् । यसरी सुन किन्दा लगानीकर्तालाई चोरी हुने डर हुँदैन भने चाहेको समयमा तत्काल नगदमा परिणत गर्न वा धितो राखेर ऋण पनि लिन सकिन्छ ।