Notice

एफएटीएफ को निगरानी सूचीबाट नेपाल हटेको

    वि.सं. २०७१असार १६ मा कालो धनलाई सेतो बनाउन नदिन कार्यरत अन्तर्राष्ट्रिय संस्था फाइनान्सियल एक्सन टास्कफोर्स (एफएटीएफ) को निगरानी सूचीबाट नेपाल हटेको छ । संस्थाको हालै पेरिसमा सम्पन्न बैठकले नेपाललाई उक्त सूचीबाट हटाउने निणर्य गरेको हो ।कालो सूचीको संघारमा पुगेको मुलुक निगरानी सूचीबाटै हट्नुमा ऐन कानुनमा गरिएको सुधार मुख्य हो मुलुक निगरानी सूचीबाट हटेसंगै अब अन्तराष्ट्रिय निकायले निरन्तर अनुगमन गर्ने छैनन् ।
एफएटीएफले आतंकवाद, हातहतियार बेचबिखन, लागू औषौधी र मानव बेचबिखनजस्ता गतिविधिबाट आजिर्त धनलाई शुद्धीकरण गर्न दिदैन । यसको नियन्त्रणका लागि उसले नेपालले कानुन बनाउने र सुधार गर्ने भन्दै ताकेता गरिरहेको थियो ।
विशेषगरी सम्पत्ति शुद्धीकरण र आतंकवादी कार्यमा वित्तीय लगानी रोकथामसम्बन्धी गरेका कामहरुको मूल्यांकन गरी उक्त सूचीबाट नाम हटाइएको हो ।  यसले गर्दा पेरिसमा भेला भएका ३८ देशका प्रतिनिधिहरूले नेपाललाई निगरानी सूचीबाट हटाउन सहमत भएका हुन् ।
गत डिसेम्बरमा नेपाल भ्रमण्मा आएको संस्थाको टोलीको प्रतिवेदन र नेपालले पारित गरेका पाँच वटा कानुनका आधारमा एफएटीएफको बैठकले नेपाललाई उक्त सूचीबाट हटाएको हो । नेपालको व्यवस्थापिका संसदले सम्पत्ति शुद्धीकरण निवारण ऐन को दोस्रो संशोधन, कसुरजन्य सम्पत्ति रोक्का, नियन्त्रण ऐन, पारस्परिक कानुनी सहायता ऐन, संगठित अपराध नियन्त्रण ऐन र सुपुर्दगी ऐन पारित गरेको छ ।


Other Topics

S.N Title Description
1 भण्डारखाल पर्व
2 आपूर्ति नीति, २०६९
3 नेपालमा स्वास्थ्य विमा
4 औपचारिक शिक्षा पूरा नगरी विशेष डिग्री डिलिट उपाधि
5 BIPPA भन्नाले के बुझिन्छ ?
6 नेपालसँग कुटनीतिक सम्बन्ध कायम भएका पछिल्ला ५ राष्ट्रहरु
7 रोवोट ओलम्पिक भनेको के हो ?
8 लाइन आइटम बजेट (Line Item Budget)
9 १२ औं तेन्जिङ एभरेष्ट म्याराथनका प्रतियोगिता
10 साईवर युद्ध भनेको के हो?
Please login to view more important topics.